Мерапрыемства прымеркавана да Міжнароднага дня абароны дзяцей і прысвечана захаванню гістарычнай памяці аб ахвярах Вялікай Айчыннай вайны.
22 чэрвеня 1941 года вайна ўварвалася ў жыццё мірных людзей, разбурыўшы лёсы мільёнаў сем'яў. Яна забрала велізарную колькасць чалавечых жыццяў. Асабліва трагічна, што ахвярамі вайны станавіліся дзеці - самая безабаронная частка насельніцтва.
Выстава "Вайна вачыма дзяцей", якая адкрываецца напярэдадні Міжнароднага дня абароны дзяцей, нагадвае пра важнасць захавання міру, абарону дзяцей ад гвалту, агрэсіі і трагедый вайны. Дзеці павінны жыць у міры, бяспецы і любові!
У рамках адкрыцця выставы рэжысёр Аляксандр Ленкін і мастак-пастаноўшчык Наталля Зіноўева раскажуць аб рабоце над анімацыйна-дакументальным праектам "Мемарыяльныя комплексы Беларусі".
Першая частка праекта, якая выйшла ў 2024 годзе, пазнаёміла гледачоў з мемарыяльнымі комплексамі "Ола", "Баграціён", "Прарыў", "Чырвоны Бераг" і "Буйніцкае поле". Працяг праекта - "Мемарыяльныя комплексы Беларусі-2", прадстаўлены ў 2025 годзе, распавядае пра мемарыялы "Брэсцкая крэпасць-герой", "Азарычы", "Хатынь", помнік баявой машыне БМ-13 і мемарыяльны комплекс "Шталаг-352".
Наведвальнікі выставы змогуць убачыць мастацкія матэрыялы анімацыйнага фільма, пазнаёміцца з гістарычнымі фактамі і даведацца, якім чынам сучасная анімацыя дапамагае гаварыць з моладдзю аб трагедыі вайны, чалавечай стойкасці і неабходнасці захавання гістарычнай памяці.
У рамках адкрыцця выставы адбудзецца паказ анімацыйнага фільма "Хатынь - няскораная вёска" з альманаха "Мемарыяльныя комплексы Беларусі-2".
Адкрыццё выставы і паказ фільма стануць важнай размовай пра мір, гістарычную памяць і адказнасць за захаванне міру для будучых пакаленняў.
Дата: 29 мая 2026 года
Працягласць: 11:00
Месца правядзення: хол музея мемарыяльнага комплексу "Хатынь"
