Экспазіцыя прымеркавана да 85-годдзя трагедыі вёскі Хацунь і прысвечана мірным жыхарам, якія загінулі ў выніку нацысцкіх карных аперацый.
25 кастрычніка 1941 года карнікі пазбавілі жыцця 318 жыхароў Хацуні, у тым ліку 60 дзяцей. За гэтымі лічбамі — зламаныя чалавечыя лёсы, сем'і, якія страцілі блізкіх, і мірнае жыццё, разбуранае жорсткасцю вайны.
ДМК "Хатынь" выказвае падзяку Бранскаму дзяржаўнаму краязнаўчаму музею за плённае супрацоўніцтва і спадзяецца на яго далейшае развіццё і рэалізацыю новых сумесных праектаў.
З віртуальнай выставай наведвальнікі могуць пазнаёміцца ў холе музея мемарыяльнага комплекса "Хатынь", а таксама на сайце мемарыяла.
