Гэтыя мерапрыемствы былі накіраваны на захаванне гістарычнай памяці і выхаванне патрыятызму ў маладога пакалення.
Лекцыі і тэмы:
- Загальская сярэдняя школа Любанскага раёна: лекцыя "Хатынь — святыня нацыянальнай памяці" для навучэнцаў 6 класа.
- ДУА "Сярэдняя школа № 82 г. Мінска": лекцыя "Хатынь — боль і смутак беларускага народа" для вучняў 7 класа.
Навучэнцы даведаліся пра падзеі, якія папярэднічалі трагедыі ў Хатыні, і пра тое, як гэты мемарыял стаў сімвалам усіх спаленых вёсак і генацыду беларускага народа. Віртуальная экскурсія дазволіла школьнікам пагрузіцца ў атмасферу мемарыяла, убачыць яго архітэктурныя элементы і зразумець іх значэнне.
Мы рады бачыць, як маладое пакаленне праяўляе цікавасць да гісторыі і імкнецца захаваць памяць аб трагічных падзеях. Працягваем перадаваць веды аб трагедыі Хатыні і яе значэнні для нашай краіны, каб ніколі не забываць і не дапусціць паўтарэння.
