Падчас экскурсіі па адкрытай частцы мемарыяльнага комплексу высокія госці ўсклалі кветкі да помніка "Непакораны чалавек" і "Вечнаму агню", ушанавалі хвілінай маўчання памяць ахвяр вайны – кожнага трэцяга беларуса, які загінуў у гады Вялікай Айчыннай.
Асаблiвая ўвага была нададзена наведванню музея, дзе для дэлегацыі правялі экскурсію. Андрэй Белавусаў пакінуў памятны запіс у Кнізе ганаровых гасцей, падкрэсліўшы значэнне мемарыяла для захавання гістарычнай памяці.
Візіт прайшоў у рамках умацавання саюзніцкіх адносін паміж Беларуссю і Расіяй і стаў яшчэ адным крокам у сумеснай рабоце па супрацьдзеянні спробам фальсіфікацыі гісторыі.
