25 чэрвеня ўдзельнікі дэлегацыі пабывалі ў мемарыяльным комплексе "Хатынь", дзе азнаёміліся з трагічнымі старонкамі гісторыі Беларусі часоў Вялікай Айчыннай вайны.
У ходзе візіту дырэктару комплекса Дзмітрыю Вільтоўскаму было ўручана энцыклапедычнае выданне аб Вялікай Айчыннай вайне, падпісанае Генеральным сакратаром АДКБ Імангалі Тасмагамбетавым, адным з суаўтараў выдання.
Кіраўнік дэлегацыі Аб'яднанага штаба АДКБ генерал-маёр Арсен Рахманаў:
"Уся постсавецкая прастора сёлета адзначае 80 гадоў Перамогі савецкага народа ў Вялікай Айчыннай вайне. Беларусь знаходзіцца ў авангардзе абароны інтарэсаў усіх народаў былога Савецкага Саюза. Яна першай падчас вайны абараняла нашу агульную Радзіму.
І сёння яна знаходзіцца на перадавым краі супрацьстаяння заходняй ідэалогіі. Менавіта яна не дапускае распаўсюджвання новай неанацысцкай ідэалогіі, русафобіі, у тым ліку ў дачыненні да беларускага народа.
Знаходзячыся тут, мы адчуваем той боль і гора шматпакутнага беларускага народа. Гэта горды народ, і для мяне вялікі гонар знаходзіцца тут.
Няма ніводнай сям'і, якая не страціла б сваіх блізкіх: бацькоў, маці, братоў і сясцёр. Калі мы не захаваем памяць аб той страшнай трагедыі, то яна можа паўтарыцца зноў. Таму трэба абараніць нашу агульную перамогу і супрацьстаяць заходняй ідэалогіі".
Удзельнікі ўшанавалі памяць ахвяр нямецка-фашысцкіх захопнікаў і ўсклалі кветкі да скульптуры "Няскораны чалавек".
Фота: Павел Сурынаў, "Ваяр"
