17 ліпеня 2025 года ўдзельнікі аўтапрабегу "Дарогі славы — наша гісторыя" наведалі Дзяржаўны мемарыяльны комплекс "Хатынь".
Для юных актывістаў была арганізавана экскурсія па комплексе. На мемарыяле ўдзельнікі аўтапрабегу ўсклалі кветкі да Вечнага агню і хвілінай маўчання ўшанавалі памяць загінуўшых.
Не пакінула абыякавымі ўдзельнікаў мерапрыемства экспазіцыя музея: "Гэта вельмі моцныя ўражанні. Аўтары дамагліся выніку - тут прапускаеш усё праз душу... Проста балюча. Боль і смутак шчырыя, якія немагчыма падрабіць".
Акцыя, якая стала ўжо традыцыйнай, уносіць значны ўклад у патрыятычнае выхаванне моладзі дзвюх краін, захаванне гістарычнай памяці і ўмацаванне міжрэгіянальных і міждзяржаўных сувязей.
