Менавіта тут, у святым месцы памяці, з 26 ліпеня па 31 жніўня 2025 года, будзе працаваць часовая экспазіцыя "Мундзір героя". Наведвальнікі змогуць убачыць гістарычныя артэфакты з фондаў краязнаўчых музеяў Міншчыны, якія ўзнаўляюць атмасферу тых суровых і гераічных гадоў.
Цэнтральнымі экспанатамі сталі два манекена ў поўным баявым абмундзіраванні - пяхотніка і танкіста Чырвонай Арміі. Гэтыя фігуры нібы ажыўшыя вобразы тых, хто змагаўся да апошняга дзеля нашага жыцця і свабоды. У экспазіцыі прадстаўлена лётная форма даваеннага ўзору, гімнасцёрка і падшлемнік лётчыка, танкавая форма ўзору 1944 года.
Наведвальнікі змогуць убачыць фрэнч Героя Савецкага Саюза Андрэя Валынца і гімнасцёрку партызана Аляксандра Збігнева.
Кожны экспанат - гэта частка вялікай гісторыі. Гэта не проста мундзіры і шынялі, гэта - памяць аб мужнасці, подзвігу, веры ў перамогу. Артэфакты, прадстаўленыя на выставе, даюць адчуць цану свабоды, якую сёння маем мы дзякуючы подзвігу нашых герояў.
Месца правядзення: павільён мемарыяльнага комплексу "Курган Славы". Уваход вольны.
Запрашаем усіх наведаць выставу "Мундзір героя" і пакланіцца памяці тых, хто абараніў Беларусь і ўвесь свет ад нацызму.
