Запрашаць студэнтаў на работу ў летні перыяд стала ўжо добрай традыцыяй. Першая змена юных экскурсаводаў прыйшла ў "Хатынь" у 2023 годзе, калі была падпісана дамова аб супрацоўніцтве паміж Беларускім дзяржаўным педагагічным універсітэтам ім. М. Танка і ДМК "Хатынь". У рамках грамадзянска-патрыятычнага праекта "Захоўваем гістарычную памяць у імя будучыні" студэнты БДПУ знаёмяцца з рознымі напрамкамі дзейнасці ў музейнай установе: збор матэрыялаў і работа з дакументамі, сустрэча і кансультаванне наведвальнікаў музея, фарміраванне экскурсійных груп і правядзенне экскурсій для іх.
За гэтыя некалькі гадоў больш за 30 будучых педагогаў паспрабавалі сябе ў ролі экскурсаводаў, а некаторыя з удзельнікаў студатрадаў правялі ў "Хатыні" некалькі змен і сталі ўжо неад'емнай часткай калектыву.
Работа ў "Хатыні" для будучых спецыялістаў – гэта бясцэнны вопыт у развіцці культуры зносін, у вывучэнні тэмы генацыду беларускага народа, у захаванні гістарычнай памяці і ў данясенні да наведвальнікаў мемарыяла дакладнай інфармацыі.
21 жніўня 2025 года адбылася ўрачыстая цырымонія ўзнагароджання трэцяй змены студэнцкага атрада. За годную арганізацыю работы студатрада падзякамі таксама былі адзначаны камандзір атрада Соф'я Чарняўская, камісар атрада Цімафей Макаёнка і намеснік дэкана па ідэалагічнай і выхаваўчай рабоце БДПУ Ларыса Леанідаўна Савіч.
Мы дзякуем усім нашым маладым супрацоўнікам за добрасумленную і актыўную работу, за спагадлівасць і сур'ёзнае стаўленне да пастаўленых перад імі задач і спадзяемся на далейшае супрацоўніцтва.
Згадкі ў СМІ:
