Сельскагаспадарчае прадпрыемства "За мір" размешчана ў аграгарадку Страдзеч Брэсцкага раёна. Да вайны ў аграгарадку Страдзеч налічвалася 280 двароў і каля 1500 жыхароў.
У гады Вялікай Айчыннай вайны на тэрыторыі Брэсцкага раёна нямецка-фашысцкімі акупантамі было спалена не менш за 3010 домаўладанняў, загінула звыш 7700 мірных грамадзян. Больш за тысячу чалавек былі вывезены ў Германію. У брацкіх магілах Прыбужжа спачывае прах каля 10 тысяч мірных жыхароў і вайскоўцаў, закатаваных і забітых акупантамі.
Страдзеч падзяліў трагічны лёс Хатыні. За гады акупацыі тут было знішчана 212 двароў, забіта 92 мірных жыхара, 22 ураджэнцы вёскі загінулі на франтах Вялікай Айчыннай, адзін – у партызанскім атрадзе.
Але, нягледзячы на трагічныя падзеі, населены пункт адрадзіўся пасля вайны. Сёння ААТ "За мір" - адна з вядучых гаспадарак Брэсцкага раёна, якая спецыялізуецца на вытворчасці, перапрацоўцы і рэалізацыі сельскагаспадарчай прадукцыі.
Падчас візіту работнікі сельскагаспадарчага прадпрыемства "За мір" з асаблівым трапятаннем і павагай распавядалі аб сваім родным населеным пункце, яго трагічнай гісторыі і помніку, які быў адкрыты на тэрыторыі спаленай вёскі ў канцы ліпеня 2025 года.
Беларусы памятаюць пра трагедыі ваенных гадоў.
Беларусы ўшаноўваюць памяць ахвяр Вялікай Айчыннай вайны.
Беларусы цэняць жыццё пад мірным небам.
І вельмі сімвалічна, што ў "Хатыні" сёння гучаць словы: "Мы - за мір!"
