На тэрыторыі мемарыяла створаны ўмовы для таго, каб людзі з абмежаванымі магчымасцямі маглі без перашкод дакрануцца да трагічных старонак гісторыі нашай зямлі. Удзельнікі паездкі наведалі з агляднай экскурсіяй тэрыторыю комплексу, ушанавалі памяць загінуўшых у гады Вялікай Айчыннай вайны хвілінай маўчання і ўсклалі кветкі.
Кранула гасцей экспазіцыя музея. Па прызнанні адной з удзельніц паездкі, атмасфера музея натхніла яе на новую мару - стаць экскурсаводам. Гэта шчырае жаданне стала сведчаннем таго, што наведванне музея не толькі дапамагае захаваць памяць аб трагедыі, але і натхняе на новыя мэты, умацоўвае веру ў сілу чалавечага духу.
Паездка, арганізаваная Мінскай гарадской арганізацыяй Беларускага прафесійнага саюза работнікаў дзяржаўных і іншых устаноў у рамках марафону "35 добрых спраў", падарыла ўдзельнікам магчымасць не толькі падарожнічаць і адкрываць новыя старонкі гісторыі роднай зямлі, але і быць датычнымі да захавання гістарычнай памяці аб ахвярах генацыду беларускага народа.
