Падчас наведвання мемарыяла генерал-палкоўнік Веліеў Керым Тофіг Аглы, першы намеснік Міністра абароны Азербайджанскай Рэспублікі – начальнік Генеральнага штаба азербайджанскай арміі, і генерал-маёр Імінаў Зайнабідзін Рузіевіч, першы намеснік Міністра абароны – начальнік Генеральнага штаба Узброеных Сіл Рэспублікі Узбекістан, усклалі кветкі да Вечнага агню. Дэлегацыі схілілі галовы ў знак павагі да памяці нявінных ахвяр і да подзвігу беларускага народа, які выстаяў у страшныя гады вайны.
У гады Вялікай Айчыннай вайны плячом да пляча ваявалі прадстаўнікі многіх народаў Савецкага Саюза: рускія, украінцы, казахі, азербайджанцы, армяне, таджыкі, туркмены, узбекі, кіргізы і іншыя. Не ўсе рэспублікі былога СССР выпрабавалі такія разбурэнні, якія перажыла Беларусь у гады вайны. Але тысячы сыноў і дачок гэтых народаў аддалі свае жыцці, каб над нашымі галовамі было мірнае неба.
Сёння Хатынь аб'ядноўвае людзей розных краін і народаў, нагадваючы кожнаму: мiр — далікатны, а памяць пра мінулае павінна жыць, каб трагедыя не паўтаралася.
Фота Уладзіміра Блінова, агенцтва "ВАЯР".
