У складзе дэлегацыі юнармейцы Пензенскай вобласці Расійскай Федэрацыі і выхаванцы ваенна-патрыятычных клубаў унутраных войскаў МУС Рэспублікі Беларусь.
Госці наведалі з экскурсіяй тэрыторыю мемарыяла і музей, усклалі кветкі і ўшанавалі памяць загінуўшых у гады Вялікай Айчыннай вайны хвілінай маўчання.
Удзельнікі злёту-форуму пабывалі ў царкве Раства Прасвятой Багародзіцы на тэрыторыі комплексу. Госці з Расійскай Федэрацыі перадалі ў дар храму тры абразы.
Кульмінацыйным момантам наведвання Дзяржаўнага мемарыяльнага комплексу "Хатынь" стала пасадка ўдзельнікамі злёту-форуму Дрэва Памяці на тэрыторыі мемарыяла.
