Удзельнікі сустрэчы прадставілі матэрыялы аб трагічных падзеях, перажытых насельніцтвам Ліды ў гады Вялікай Айчыннай вайны: аб масіраваных бамбардзіроўках у першыя дні вайны, аб знішчэнні яўрэяў Лідчыны 8 мая 1942 года, аб арганізацыі на тэрыторыі горада гета, турмаў і канцлагераў, а таксама аб ператварэнні Лідскага замка ў лагер для савецкіх ваеннапалонных.
Пасля круглага стала для ўдзельнікаў правялі экскурсію па экспазіцыі музея і мемарыяльным комплексе. Яны ўсклалі кветкі да скульптуры "Непакораны чалавек" і ўшанавалі памяць ахвяр хвілінай маўчання. У храме Раства Прасвятой Багародзіцы на тэрыторыі комплексу былі запаленыя свечкі памяці - як сімвал бесперапыннага чалавечага абавязку памятаць і перадаваць праўду пра вайну новым пакаленням.
Мемарыяльны комплекс "Хатынь" і далей будзе заставацца месцам, дзе кожны можа асэнсаваць трагедыю спаленых вёсак, знішчаных народаў і мільёнаў чалавечых лёсаў — каб падобнае ніколі не паўтарылася!
