Госці ў рамках агляднай экскурсіі азнаёміліся з унікальнай экспазіцыяй музея, якая расказвае пра падзеі Вялікай Айчыннай вайны на беларускай зямлі. Хвілінай маўчання ўдзельнікі дэлегацыі ўшанавалі памяць усіх загінуўшых у гады Вялікай Айчыннай вайны.
На адкрытай частцы мемарыяльнага комплексу госці ўсклалі кветкі ля скульптуры "Непакораны" ў знак павагі да вечнай памяці нявінных ахвяр ваенных гадоў.
Як адзначыў кіраўнік дэлегацыі Ерлан Кашанаў: "Хатынь – асаблівае месца для кожнага чалавека, пра якое ведаюць і памятаюць са школьных гадоў".
Госці выказалі ўдзячнасць дырэктару і калектыву мемарыяла за работу па захаванні памяці пра гісторыю Вялікай Айчыннай вайны. Гэтая памяць агульная для нашых народаў. На тэрыторыі Беларусі загінулі некалькі дзясяткаў тысяч воінаў з Казахстана. Звання Героя Савецкага Саюза былі ўдастоены больш за 500 казахстанцаў, 84 з іх – за вызваленне Беларусі.
Памяць пра беларусаў і казахстанцаў, якія змагаліся плячом да пляча на франтах і загінуўшых у гады Вялікай Айчыннай вайны — гэта фундаментальная аснова дружбы і супрацоўніцтва паміж народамі Беларусі і Казахстана сёння.
Крыніца фота: sb.by, house.gov.by/
