Зборнік "Iмёны герояў на карце Расіі" падрыхтаваны Федэральнай службай дзяржаўнай рэгістрацыі, кадастра і картаграфіі сумесна з ППК "Роскадастр" РФ. У выданне ўвайшлі звесткі больш чым пра 30 геаграфічных аб'ектаў Расійскай Федэрацыі, названых у гонар герояў Вялікай Айчыннай вайны і герояў Расіі.
Кніга змяшчае біяграфіі ўдзельнікаў Вялікай Айчыннай вайны і нашых сучаснікаў, чыімі імёнамі названы горы, бухты, вуліцы і іншыя геаграфічныя аб'екты. Асаблівую каштоўнасць выданню надаюць картаграфічныя матэрыялы, гістарычныя даведкі і афіцыйныя дакументы аб прысваенні найменняў.
Адным з герояў зборніка з'яўляецца ўраджэнец Беларусі — савецкі военачальнік, генерал арміі, двойчы Герой Савецкага Саюза Іосіф Іракліевіч Гусакоўскі. Яго імем названы падводны геаграфічны аб'ект у межах эканамічнай зоны Расійскай Федэрацыі ў Баранцавым моры.
Падобныя ініцыятывы маюць вялікае значэнне для захавання гістарычнай памяці пра выдатных абаронцаў Айчыны і ўносяць уклад у справу патрыятычнага выхавання маладога пакалення і захавання памяці аб трагічных старонках гісторыі ваенных гадоў.
