Візіт у "Хатынь" стаў важнай часткай праграмы форуму, якая падкрэслівае непарыўную сувязь паміж гістарычным мінулым і сучасным партнёрствам. Падчас экскурсіі па музеі і тэрыторыі мемарыяльнага комплексу ўдзельнікі падрабязна азнаёміліся з гісторыяй хатынскай трагедыі, якая стала сімвалам незлічоных ахвяр і нязломнага духу народа.
Госці ўшанавалі памяць загінуўшых хвілінай маўчання і ўсклалі кветкі да Вечнага агню і помніка "Непакораны чалавек".
"Візіт у мемарыяльны комплекс стаў важнай падзеяй у праграме XIII Форуму, які аб'яднаў дзелавы парадак дня з глыбокай павагай да гістарычнай спадчыны двух народаў. Пасля завяршэння памятных мерапрыемстваў удзельнікі форуму працягнулі работу ў тэматычных секцыях, прысвечаных развіццю міжрэгіянальнага партнёрства".
Фота: logoysk.by
