9 чэрвеня 2026 года старшыня Вярхоўнага Суда Расійскай Федэрацыі Ігар Красноў у складзе дэлегацыі наведаў Дзяржаўны мемарыяльны комплекс "Хатынь".
Праграма візіту ўключала падрабязную экскурсію па экспазіцыі музея і тэрыторыі мемарыяльнага комплексу. Дэлегацыя азнаёмілася з гістарычнымі сведчаннямі трагедыі, якія дазваляюць сучаснікам глыбей зразумець маштаб подзвігу і ахвярнасці нашых продкаў.
"З пачуццём глыбокага смутку і павагі схіляю галаву перад ахвярамі Хатыні, памяць аб якіх святая для Расіі і Беларусі. Подзвіг усіх народаў Савецкага Саюза, якія выстаялі ў нечалавечых выпрабаваннях у гады Вялікай Айчыннай вайны і перамаглі, захаваецца ў гісторыі. Наш абавязак — забяспечыць, каб падобная трагедыя ніколі не паўтарылася, а нацызм назаўжды сышоў у мінулае", — напісаў Ігар Красноў у кнізе ганаровых гасцей мемарыяльнага комплекса "Хатынь".
Пасля наведвання музея госці ўсклалі кветкі да бронзавай скульптуры "Няскораны чалавек" і да Вечнага агню.
Апошняй лакацыяй для наведвання стала Царква Нараджэння Прасвятой Багародзіцы. Кіраўнікі Вярхоўных Судоў Беларусі і Расіі запалілі ў храме свечкі памяці аб загінуўшых падчас вайны ў Хатыні, на зямлі беларускай і ў цэлым на тэрыторыі Савецкага Саюза.
У канцы наведвання комплексу госці ўручылі музею памятныя падарункі. Ігар Красноў уручыў супрацоўнікам кнігу, прысвечаную 80-годдзю Перамогі ў Вялікай Айчыннай вайне. Андрэй Швед паднёс музею кнігу "Беларусь: трагедыя і праўда памяці: генацыд беларускага народа ў гады Вялікай Айчыннай вайны".
Такія сустрэчы нагадваюць нам, што захаванне памяці — гэта святы абавязак, які павінен няўхільна перадавацца з пакалення ў пакаленне. Мы памятаем і не маем права забыць.
