Раней падобныя мерапрыемствы прайшлі ва ўсіх іншых абласцях. Так, першая капсула з пасланнем была ўрачыста перададзена мемарыяльнаму комплексу "Брэсцкая крэпасць-герой". Урачыстыя мерапрыемствы прайшлі таксама ў Магілёве, Віцебску, Гомелі, Мінску і Гродна.
У цырымоніі прынялі ўдзел прадстаўнікі Міністэрства абароны, актывісты БРСМ, выхаванцы ваенна-патрыятычных клубаў і класаў.
–У гэтай капсуле закладзеныя не проста словы на паперы. У гэтай капсуле закладзены вопыт нашых ветэранаў, іх любоў да Радзімы, вопыт служэння Айчыне і вера ў тое, што наша любімая Беларусь і далей будзе жыць, развівацца і квітнець пад мірным небам, – адзначыў прадстаўнік Міністэрства абароны, старшы афіцэр галоўнага ўпраўлення ідэалагічнай работы Аляксей Анашачкін падчас урачыстага мітынгу на Кургане Славы.
У рамках мерапрыемства адбылася ўрачыстая цырымонія перадачы капсулы з пасланнем ветэранаў Вялікай Айчыннай вайны мемарыяльнаму комплексу "Курган Славы". Гэта пасланне будзе адкрыта 9 мая 2045 года, у дзень стогадовага юбілею Вялікай Перамогі.
– Сёння на святой зямлі Кургана Славы адбываецца перадача не проста капсулы, а жывой гісторыі. Гэта пасланне – не крык з мінулага, гэта наказ тым, каму трэба будзе будаваць будучыню. Я прымаю гэтую капсулу ад імя ўсіх, хто захоўвае памяць аб трагедыі і мужнасці беларускага народа, – адзначыў дырэктар мемарыяльнага комплекса "Хатынь" Дзмітрый Вільтоўскі.
Гэтая капсула – мост паміж вялікім мінулым і светлай будучыняй. Мы давяраем гісторыю тым, хто прыйдзе пасля нас, верачы, што ўрокі подзвігу нашых продкаў будуць вечна жыць у сэрцах нашчадкаў!
