Для членаў дэлегацыі была арганізавана экскурсія па музеі і тэрыторыі мемарыяльнага комплексу. Госці змаглі азнаёміцца з дакументальнымі сведчаннямі і рэчавымі доказамі злачынстваў, учыненых на гэтай зямлі гітлераўцамі.
У рамках афіцыйнай часткі мерапрыемства дырэктар Дзяржаўнага мемарыяльнага комплекса "Хатынь" Дзмітрый Вільтоўскі правёў сустрэчу з дэлегацыяй. У завяршэнне візіту, у знак прызнання важнасці захавання гістарычнай памяці, Дзмітрый Вільтоўскі ўручыў старшыні Арабскага парламента Мухамеду Ахмеду Аль-Ямахі памятны сувенір.
Падобныя візіты пацвярджаюць: памяць аб трагедыі вайны не мае межаў, а захаванне гістарычнай праўды — гэта агульная задача ўсяго чалавецтва.
