Савіч Ларыса Леанідаўна, намеснік дэкана па ідэалагічнай і выхаваўчай рабоце, ад імя рэктара БДПУ ім. М. Танка выказала падзяку дырэктару МК "Хатынь" Дзмітрыю Сяргеевічу Вільтоўскаму за шматгадовае і плённае супрацоўніцтва, садзейнічанне ў фарміраванні і арганізацыі работы студэнцкіх атрадаў на базе мемарыяльнага комплексу. У сваю чаргу, Дзмітрый Сяргеевіч адзначыў значнасць работы атрада "Баграціён" і іх уклад у захаванне памяці аб падзеях Вялікай Айчыннай вайны. Важнай часткай мерапрыемства стала цырымонія ўскладання кветак да брацкай магілы.
23 жніўня 2026 года завяршае летні сезон работы студатрад "Баграціён", які быў створаны на базе гістарычнага факультэта БДПУ імя Максіма Танка. Ужо на працягу чатырох гадоў хлопцы праводзяць экскурсіі ў ДМК "Хатынь", сустракаюць і кансультуюць наведвальнікаў комплексу, а таксама дапамагаюць супрацоўнікам комплексу весці запіс уліку экскурсійных груп. Некаторым хлопцам настолькі спадабаўся атрыманы вопыт, што яны прыязджаюць сюды працаваць не першы год.
Так як жадаючых запісацца ў атрад вельмі шмат, для рабят праводзяць конкурсны адбор. Удзельнікам трэба вывучыць на памяць урывак з экскурсіі па "Хатыні" і выразна прадставіць яго перад камісіяй. А затым прадэманстраваць сваю эрудыцыю і кемлівасць, адказаўшы на паступаючыя пытанні членаў камісіі.
Гэты фармат работы плануюць развіваць і далей. У перспектыве моладзь будзе прыцягвацца да дзейнасці і на іншых памятных месцах Беларусі, у прыватнасці ў мемарыяльным комплексе "Трасцянец". Таксама маладыя актывісты змогуць праводзіць экскурсіі ў Нацыянальным гістарычным музеі пасля яго адкрыцця восенню.
Супрацоўніцтва БДПУ ім. Максіма Танка і МК "Хатынь" паказала сваю запатрабаванасць і эфектыўнасць, аб'яднаўшы адукацыйную, патрыятычную і практычную работу моладзі па захаванні гістарычнай памяці.
