Ганаровыя госці прыбылі, каб аддаць даніну памяці загінуўшым у баях за незалежнасць нашай краіны і ўскласці кветкі да падножжа манумента.
—Мы шмат гаворым аб захаванні гістарычнай памяці, аб тым, што нашы дзяды і прадзеды пралівалі кроў за нашу мірную, свабодную будучыню, — адзначыла Наталля Якубіцкая. — Наша госця з Узбекістана не засталася абыякавай да гэтых традыцый і шчыра выказала жаданне наведаць месцы баявой славы і памяці нашага народа.
Гэты візіт сімвалізуе моцную сувязь паміж народамі, павагу да агульнай гісторыі і прызнанне подзвігу савецкіх салдат, якія цаной свайго жыцця наблізілі Вялікую Перамогу. Прадстаўнікі Беларусі і Узбекістана разам схілілі галовы перад веліччу народнага подзвігу, падкрэсліўшы, што памяць пра вайну не мае межаў і нацыянальнасцяў.
Пакуль мы памятаем, подзвіг нашых продкаў застаецца несмяротным!
