Хатынь і ў яе ваколіцах жылі людзі розных нацыянальнасцяў і веравызнанняў. Згодна з дакументамі Нацыянальнага гістарычнага архіва Беларусі да сярэдзіны 16 ст. тэрыторыя в. Хатынь і іншых вёсак (Губа, Слагавішча) належала татарам. У 1551 г. гэтыя землі былі выкупленыя ў татараў Мінскім старастам і Смаленскім ваяводам У. Тышкевічам. У 1566 г. пры размежаванні Лагойск, Слагавішчы, Хатынь і інш. былі аднесены да віленскага каталіцкага капітула. У тых жа дакументах Хатынь названая вёскай, г.зн. месцам, маючым храм або капліцу.
Паводле генеральнай візітацыі (праверцы) 1763 г. Хатынь уваходзіла ў парафія грэка-каталіцкай царквы св. Мікалая Лагойскага дэканата.
Пры праверках 1806 і 1819 гг. у Хатыні зарэгістраваныя могілкі і грэка-каталіцкая царква Нараджэння Дзевы Марыі. Царква была асвечана 6 лістапада 1794 г.
Побач з царквой стаяла званіца на чатырох слупах, пакрытая дранкай, з трыма званамі вагой 50, 30 і 23 фунта (прыблізна 22,7, 13,6 і 10,4 кг). Асобнага святара не было, бо не мелася для яго ўласнага памяшкання.
Пасля ліквідацыі ў 1839 г. уніі і пераходу грэка-каталікоў у праваслаўе, у 1861 г. у кліравай ведамасці Лагойскай Праабражэнскай царквы зафіксавана драўляная праваслаўная царква Раства Багародзіцы ў Хатыні. Прыхаджыне - 25 мужчын і 25 жанчын. Царква Праабражэнскага прыходу згадваецца яшчэ ў 1894 г. Час і прычына разбурэння царквы ў дакументах не адлюстраваны. Сведка знішчэння в. Хатынь нацыстамі 22 сакавіка 1943 года У.А. Жалабковіч паказваў, што драўляная царква ў Хатыні згарэла летам 1943 года.
У красавіку 2022 г. падчас рэспубліканскага суботніка Прэзідэнт Рэспублікі Беларусь А. Р. Лукашэнка сказаў: "І вось яна [царква] тут, на гэтым пагорку, проста просіцца, каб мы аднавілі яе, гэтую душэўную драўляную цэркаўку. Пахадзіўшы, людзі тут змогуць зайсці ў царкву, паставіць свечку". Праз некалькі месяцаў пачалося будаўніцтва царквы.
18 сакавіка 2023 года, у суботу сёміцы 3-й Вялікага посту, дзень памінання памерлых, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў асвячэнне храма ў гонар Нараджэння Прасвятой Багародзіцы ў мемарыяльным комплексе "Хатынь", а затым узначаліў у новаасвячоным храме першую Боскую літургію.
Настаяцель храма – протаіерэй Павел Яцуковіч.
